პროკურატურის ეფექტიანი საქმიანობა მართლაც ადამიანის უფლებებზე ორიენტირებული მართლმსაჯულების წინაპირობას შექმნის საქართველოში, - განაცხადა უზენაესი სასამართლოს თავმჯდომარემ საქართველოს იუსტიციის სასწავლო ცენტრში, სადაც პროკურატურის რეფორმის შესახებ მრგვალი მაგიდა გაიმართა.
ნინო გვენეტაძემ, სასამართლო სისტემა დაინტერესებულია ეფექტიანი პროკურატურის სისტემის ჩამოყალიბებით.
„ეს საკანონმდებლო პაკეტი, რომელიც პროკურატურის რეფორმას უკავშირდება, ერთმნიშვნელოვნად, საინტერესოა ჩვენთვის. მოგეხსენებათ, პროკურატურა რა პროდუქტსაც ქმნის; ჩვენ ვართ ამ პროდუქტის საბოლოო სახის მიმცემი სამართალწარმოების ფორმით. კარგი სურვილები იყო გამოთქმული შეხვედრაზე და მეც ვუერთდები იმ საკითხს, რომ პროკურატურის ეფექტიანი საქმიანობა მართლაც ადამიანის უფლებებზე ორიენტირებული მართლმსაჯულების წინაპირობას შექმნის საქართველოში. ამიტომ ვგულშემატკივრობთ ამ რეფორმას და დაინტერესებულნი ვართ ამ რეფორმის წარმატებით“, − განაცხადა ნინო გვენეტაძემ.
საქართველოს იუსტიციის სასწავლო ცენტრში პროკურატურის რეფორმის შესახებ მრგვალი მაგიდა გაიმართა, რომელსაც იუსტიციის მინისტრი თეა წულუკიანი, უზენაესი სასამართლოს თავმჯდომარე ნინო გვენეტაძე და საქართველოს მთავრობის სპეციალური მრჩეველი ადამიანის უფლებებსა და კანონის უზენაესობის საკითხებში მაიკლ ო’ ბოილი ესწრებოდნენ. შეხვედრაზე პროკურატურის სისტემაში განხორციელებული რეფორმები შეაფასეს და სამომავლო პერსპექტივების შესახებ იმსჯელეს.
შეხვედრას უძღვებოდა იუსტიციის მინისტრი. მრგვალი მაგიდა იუსტიციის სამინისტროსა და ევროპის საბჭოს ორგანიზებით გაიმართა.
