ჩვენ მართლაც გამოვიჩინეთ უნიათობა, რომ ეს ანტიქართული, ფაშისტური რეჟიმი არ გავასამართლეთ, - ამის შესახებ პარლამეტის პლენარულ სხდომაზე უმრავლესობის დეპუტატმა ომარ ნიშნიანიძემ „ნაციონალური მოძრაობის“ მისამართით განაცხადა.
მისივე განცხადებით, ხელისუფლება უნიათოა, რომ "უმგვანოებს" არ დაემსგავსა და ისინი "სარზე არ ჩამოაცვეს".
"ამ უკუღმა დაბადებულებს, ყველა ერთი საშოდან რომ არიან გამომძვრალი, თუ უკან არ შევაბრუნებთ, არაფერი არ ეშველება ამ ქვეყანას. დღეს ამ თვითმარქვია გველაძუებს აჩემებული აქვთ მესიჯი, რომ ჩვენ ვართ უნიათოები. ამ მხრივ ისინი ნაწილობრივ შეიძლება მართლაც მართალნი არიან, რადგან ჩვენ არ დავემგვანეთ ამ უგვანოებს და სარზე არ ჩამოვაცვით ისინი”, - განაცხადა ნიშნიანიძე,.
მისივე თქმით, სამწუხაროა, რომ ფაშისტური რეჟიმი არ გასამართლდა.
„უფრო სერიოზულად მივუდგებით საკითხს, სამწუხაროდ, ჩვენ მართლაც გამოვიჩინეთ უნიათობა, რომ ეს ანტიქართული, ფაშისტური რეჟიმი არ გავასამართლეთ და არ ავკრძალეთ მათ მიერ ჩადენილი სისტემური დანაშაულებისთვის, რომელსაც თუნდაც სამეგრელოს სამალავებში აღმოჩენილი კადრები ადასტურებს. მეტიც, ჩვენ თავს მოხვეული კოჰაბიტაციით ცუდი სამსახური გავუწიეთ ქვეყანას, ხალხს და როგორც ერთი ჩინური ანდაზა ამბობს: "უბეში ჩავისვით გაყინული გველი, რომელიც გავალღვეთ და ახლა ეს შხამიანი გველაძუები აქეთ იკბინებიან", - განაცხადა ომარ ნიშნიანიძემ.
მისივე თქმით, "ნაციონალების" ბოროტი ზრახვების გამოაშკარავება ის საქმეა, რომლის გადადება არ შეიძლება.
"ჩვენ კი არ გადავეკიდეთ თვითმარქვია "ნაცებს", ისინი გადაეკიდნენ ხალხს და 11 წელია სისხლს წოვენ და სიცოცხლეს უმწარებენ. უფრო უტიფარი, უფრო ურცხვი, უფრო ანტიქართული ძალა, როგორც თვითგამოცხადებული "ნაციონალური მოძრაობაა", ქართულ პოლიტიკურ სივრცეში არ არსებულა. მართლაც საკმარისია, აივსო მოთმინების ფიალა – გასაკეთებელი დროზე უნდა გაკეთდეს", - განაცხადა ნიშნიანიძემ.
