საქართველოს პრემიერ-მინისტრი ირაკლი ღარიბაშვილი ჩეხ კოლეგას, ბოჰუსლავ სობოტკას ჩეხეთის რესპუბლიკის ეროვნულ დღესასწაულს ულოცავს.
საქართველოს მთავრობის მეთაური ჩეხ ხალხს წარმატებასა და კეთილდღეობას უსურვებს.
„დარწმუნებული ვარ, ჩვენი ერთობლივი ძალისხმევა შედეგად მოიტანს მჭიდრო ორმხრივი ურთიერთობების განმტკიცებას ახალი იდეებითა და ინიციატივებით, ჩვენი ქვეყნების სასარგებლოდ. კიდევ ერთხელ აღვნიშნავ, რომ ჩვენ დიდად ვაფასებთ ჩეხეთის რესპუბლიკის მხრიდან საქართველოს სუვერენიტეტის, ტერიტორიული მთლიანობისა და ევროპული და ევროატლანტიკური ინტეგრაციის მხარდაჭერას. მახარებს ის ფაქტი, რომ მალე შეგხვდებით პრაღაში. კიდევ ერთხელ გილოცავთ ამ ღირსშესანიშნავ დღეს“, - ნათქვამია საქართველოს მთავრობის მეთაურის მილოცვაში, რომელიც ჩეხეთის რესპუბლიკის პრემიერ-მინისტრს გაეგზავნა.
