„რუსთავი 2“-ის გენერალურმა დირექტორმა ნიკა გვარამიამ, რომელიც პროკურატურაში დაკითხვაზე იმყოფებოდა, საგამოძიებო უწყება უკვე დატოვა.
როგორც მან დაკითხვის შემდეგ ჟურნალისტებთან საუბრისას განაცხადა, კითხვები ალექსი ახვლედიანის მიერ გამოძიებისთვის მიცემულ ჩვენებას ეხებოდა. გვარამიას არ დაუკონკრეტებია, რა სახის კითხვები ჰქონდა გამოძიებას.
„გაფრთხილებული ვარ, რომ დეტალებისგან თავი უნდა შევიკავო. ბუნებრივია, ამ მოთხოვნას ვემორჩილები. ერთადერთი, რაც შემიძლია გითხრათ, დამატებითი კითხვები იყო ალექსი ახვლედიანის ჩვენებიდან გამომდინარე“, - განაცხადა გვარამიამ.
