პრეზიდენტის ადმინისტრაციამ ქიბარ ხალვაშს სასამართლოს მინიტორინგის ჩატარებაზე უარი უთხრა. განცხადება ამის შესახებ პრეზიდენტის მრჩეველმა კახა კოჟორიძემ გააკეთა. შეგახსენებთ, რომ დღეს ქიბარ ხალვაში გიორგი მარგველაშვილს შეხვდა და სასამართლო პროცესისთვის მონიტორინგის გაწევის თხოვნით მიმართა.
"საქმის დეტალებზე მან ისაუბრა. სამართლებრივად რა პოზიცია აქვს მას სასამართლოში ამ საკითხზე მან ისაუბრა. ჩვენ ვერ შევალთ ამ კონკრეტული სამართლებრივი დავის იურიდიულ დეტალებში და ვერ გავაკეთებთ შეფასებას რომელი მხარეა მართალი და რომელი მხარეა მტყუანი. რაიმე სახით მონიტორინგს ჩვენ ვერ განვახორციელებთ. ეს საქმე არის უაღრესად მაღალი საზოგადოებრივი ინტერესის შემცველი და ჩვენ თვალყურს მივადევნებთ პროცესებს," - განაცხადა კახა კოჟორიძემ.
