პარლამენტის პლენარული სხდომა კვორუმის არარსებობის გამო ვერ იწყება.
სხდომა 13:00 საათზე იყო ჩანიშნული და დეპუტატებმა რეგისტრაცია რამდენიმე წუთის წინ გაიარეს.
იმის გამო, რომ სხდომას 76 დეპუტატის ნაცვლად, 74 ესწრება, განმეორებითი რეგისტრაცია 15 წუთში ჩატარდება.
რაც შეეხება უმცირესობას, „ნაციონალური მოძრაობა“ მიმდინარე კვირას სხდომებზე დასწრებას არ გეგმავს.
შეგახსენებთ, რომ ამ მოწვევის პარლამენტს კვორუმის პრობლემა ხშირად აქვს.
