საქართველოში ამერიკის შეერთებული შტატების ელჩის იან კელის განცხადებით, რუსთავი 2- თან დაკავშირებით პროცესს, მთელი შეშფოთებით ადევნებენ თვალს. ამის შესახენ მან სასტუმრო „ჰოლიდეინ ინნში“ განაცხადა, სადაც სამხრეთ კავკასიის უსაფრთხოების მესამე ფორუმი იმართება.
აშშ-ს ელჩმა ქვეყანაში მედიის თავისუფლების მნიშვნელობაზე ისაუბრა და აღნიშნა, რომ აშშ „რუთავი 2“-თან დაკავშირებულ სასამართლო პროცესს დიდი ყურადღებით აკვირდება.
„აქაც არაერთხელ გაიმეორეს, რომ მედიაპლურალიზმი, ასევე, ყველა პოლიტიკური პარტიის და პოლიტიკური პროცესების ყველა მონაწილის შესაძლებლობა - ხელი მიუწვდებოდეს მედიაზე და შეეძლოს თავისი მოსაზრებების გამოხატვა, დემოკრატიის განვითარებისთვის აბსოლუტურად მნიშვნელოვანი ელემენტია. ამიტომაცაა, რომ ამ პროცესს მთელი შეშფოთებით ვადევნებთ თვალს“, - განმარტა იან კელიმ.
მისივე თქმით, აშშ საქართველოს ევროატლანტიკური ინტეგრაციის ძლიერი მხარედამჭერია.
„მოუთმენლად ველი ამ საუბრის გაგრძელებას. ხვალ, როგორც ვიცი, კიდევ ერთ კონფერენცია იმართება ნატო-ს საწვრთნელ ცენტრში, ერთგვარი ნატოს კვირეული გამოგვივიდა საქართველოში“, - განაცხადა იან კელიმ.
