ფრაქცია „თავისუფალი დემოკარეტების“ წარმომადგენლები პარლამენტის თავმჯდომარეს, დავით უსუფაშვილს დახურულ ფორმატში ხვდებიან.
როგორც ჟურნალისტებს შეხვედრის დაწყების წინ ფრაქციის თავმჯდომარემ, ირაკლი ჩიქოვანმა განუცხადა, შეხვედრაზე საუბარის მთავარი თემა იქნება, რომ პროცესების მაქსიმალური დეესკალაცია მოხდეს.
მისი თქმით, „თავისუფალი დემოკრატებისთვის“ ძალიან მნიშვნელოვანია, რომ ის დაძაბული ვითარება, რომელიც ქვეყანაში არსებობს, სამოქალაქო დაპირისპირებაში არ გადაიზარდოს და ქუჩიდან ყველა პროცესმა შენობებში გადაინაცვლოს.
„ყველა სახელმწიფო უწყება იმისთვის უნდა დაიხარჯოს, რომ პროცესებზე ადეკვატური რეაგირებები მოხდეს. შექმნილ ვითარებაში, უმრავლესობის განცხადებები საკმაოდ არადეკვატურია, რადგან ერთის მხრივ, ისინი საუბრობენ, რომ არანაირი საფრთხე არ არსებობს, მეორეს მხრივ კი, სახელმწიფო უსაფრთხოების სამსახურმა სისხლის სამართლის საქმეს აღძრა“, - განაცხადა ჩიქოვანმა.
