ვერავითარი გავლენა უსუფაშვილზე ვერ მოვახდინე, - ამის შესახებ "ქრონიკასთან" საუბარში ყოფილმა პრემიერ-მინისტრმა ბიძინა ივანიშვილმა განაცხადა. მისი თქმით, მან ვერც მაშინ მოახდინა ზემოქმედება უსუფაშვილზე როცა პრეზიდენტი სააკაშვილის რეზიდენციაში შევიდა და ვერც შემდეგ ერთ-ერთ კანონპროექტზე.
”ამის შემდგომ უსუფაშვილისთვის აღარ დამირეკავს და აღარ მქონდა მცდელობა რჩევა მიმეცა, პირიქით, უსუფაშვილს ჩემთვის ვეკითხებოდი რჩევებს, მაგრამ საპირისპიროდ რომ მისთვის რჩევა მიმეცა, მცდელობაც კი არ მქონია, რომ ვნახე, რომ არგუმენტების გარეშე წავიდა და საპირისპირო გააკეთა, კარგად იყავით-მეთქი. უსუფაშვილზე კიდევ მქონდა მცდელობა, როცა მოსმენების კანონპროექტი განიხილებოდა, მქონდა მცდელობა რჩევა მიმეცა, მან ეს არ გაითვალისწინა და არაფერიც არ მომხდარა. ესე იგი ვერავითარი გავლენა უსუფაშვილზე ვერ მოვახდინე. უსუფაშვილი ხომ არ დაექვემდებარა ჩემს რჩევებს და არაფერიც არ მომხდარა, რაც მქონდა ურთიერთობა ის მაქვს ისევ. ამასთან, უსუფაშვილმა მთხოვა ერთ-ერთ პროექტზე მხარდაჭერა და მთხოვა ქუცნაშვილისთვის ზარი გამეკეთებინა, მისივე თანდასწრებით დავურეკე, ვთხოვე, მაგრამ არ გაითვალისწინა, ზაქარია ქუცნაშვილმაც არ გაითვალისწინა. ასე რომ, ზემოქმედების არავითარი ბერკეტი არ მაქვს“,-აცხადებს ივანიშვილი.
