ტრაგიკული ვითარებაა. ეს იქნებოდა მხოლოდ გასართობი მასალა და სოციალურ ქსელებში დასაცინი სისულელე, რომ არა სერიოზულ ფსიქიკურ პრობლემებში მყოფი ხელისუფლება, რომელიც ამას სერიოზულად აღიქვამს , _ ასეთი კომენტარი გააკეთა "ნაციონალური მოძრაობის" ერთ-ერთმა ლიდერმა გოკა გაბაშვილმა ინტერნეტში უკრაინულ "ვიკილიქსზე" გამოქვეყნებულ მასალასთან დაკავშირებით, რომელზეც განაცხადა შსს-ს მიერ 315-ე მუხლით დაწყებულ გამოძიებასთან დაკავშირებით.
მისივე თქმით, არ ეგონა, რომ რუსულ საიტზე ატვირთული ამ ნაბოდვარის გამო კომენტირება მოუწევდა.
"ეს როგორც ნაბოდვარიც, ძალიან არასერიოზულად შესრულებული ნაბოდვარია. ძალიან ბევრი ლაფსუსებითა და სასაცილო ნიუანსებით. ვიღაცამ გადაწვიტა ერთიანად გადაჭრას პრობლემა და დაწყებული პრეზიდენტ მარგველაშვილით დამთავრებული ვიღაც მისტიური "გაგუშათი", შეთქმულების თეორია შექმნა, მაგრამ სამწუხარო ამ ვითარებაში არის ის, რომ ამაზე სახელმწიფო იწყებს გამოძიებას. სუს-ი სერიოზული სახით დგას და აცხადებს, რომ სახელმწიფო გადატრიალების დაგეგმვაზე არის დაწყებული გამოძიება. ეს მხოლოდ ასუსტებს სახელმწიფოს და მასხრად ასაგდებად ხდის სახელმწიფო ინსტიტუტებს. მათ შორის ქვეყანის უსაფრთხოების სისტემას. თუ ასეთ რაღაცეებს ივანიშვილის პირადი უსაფრთხოების სამსახური გააკეთებს, რომელიც დღეს სახელმწიფოს უსაფრთხოების სამსახურია, ეს არაფერი კარგით ქვეყნისთვის არ დასრულდება. ეს არის ძალიან სერიოზული ვითარება. ამას ძალიან სერიოზულად აღიქვამს სახელმწიფო. ტრაგიკული ვითარებაა. პრინციპში, ეს იქნებოდა მხოლოდ გასართობი მასალა და სოციალურ ქსელებში დასაცინი სისულელე, რომ არა სერიოზულ ფსიქიკურ პრობლემებში მყოფი ხელისუფლება, რომელიც ამას სერიოზულად აღიქვამს", _ განაცხადა გაბაშვილმა.
მედიაში გავრცელებული მასალები, რომელზეც ძალოვანი უწყებები სავარაუდოდ თავის განცხადებებში საუბრობენ - ე.წ. უკრაინული ვიკილიქსია. ვებგვერდი 4 თვის წინ რუსეთშია რეგისტრირებული და მასზე განთავსებულია სულ 30-მდე სტატია, რომელთაგან უმეტესობაში სააკაშვილი ფიგურირებს.
ახალ სტატიაში, რუსულმა ვებგვერდმა გუშინ გამოაქვეყნა, გადმოცემულია მიხეილ სააკაშვილისა და გიგა ბოკერიას დიალოგი, რომელიც, ვებგვერდის მტკიცებით, თურქეთში შედგა. სტატიის მიხედვით, იგეგემბა რუსთვი 2-ში პროვოკაციის მიზნით არეულობის მოწყობა და ერთი თანამშრომელის მკვლელობაც კი.
მასალა, რომელიც ამ დრომდე, სულ 6 ათასმა ადამიანმა ნახა, მალევე თარგმნეს და გაავრცელეს ქართული მედიასაშუალებების ერთმა ნაწილმა.
