საქართველოს პრეზიდენტი გიორგი მარგველაშვილი საქართველოში აკრედიტებული დიპლომატიური კორპუსის წარმომადგენლებს ხვდება. შეხვედრაში, 40-მდე დიპლომატი მონაწილეობს.
ქვეყნის პირველი პირი საქართველოში შექმნილ ვითარებასთან დაკავშირებით საზოგადოების სხვადასხვა სექტორთან უკვე მეორე დღეა კონსულტაციებს მართავს. პრეზიდენტი გუშინ პოლიტიკური წრეების, არასამთავრობო სექტორისა და მედიის წარმომადგენლებს შეხვდა, დღეს კი უკვე გამართა შეხვედრა საერთაშორისო ორგანიზაციებთან.
დიპლომატებთან მიმდინარე შეხვედრის შემდეგ, პრეზიდენტის ადმინისტრაციაში ექსპერტებს ელოდებიან.
რაც შეეხება მმართველ გუნდს, პრეზიდენტთან კონსულტაციბის გამართვის შესახებ გადაწყვეტილებას ,,ქართულ ოცნებაში” დღეს მიიღებენ.
