,,იმედი მაქვს, მმართველ გუნდში გაივლის ეიფორია და უფრო ჯანსაღი პოზიციის მქონე განცხადებები იქნება დომინანტი” , - ამის შესახებ პოლიტიკურ საკითხებში საქართველოს პრეზიდენტის მრჩეველმა ფიქრია ჩიხრაძემ ჟურნალისტებთან განაცხადა.
მისი შეფასებით, ცოტა უცნაურია ის ფაქტიი, რომ დიალოგის თაობაზე შეთავაზებას მმართველი გუნდი "ხისტი პოზიციით" პასუხობს. ჩიხრაძის თქმით, პრეზიდენტის მოწოდება დიალოგისკენ, არ იყო დაპირისპირებისთვის გაკეთებული, არმედ, პირიქით.
"მე დღესაც ვთავაზობ მათ დიალოგს, ეს ძალიან სჭირდება ჩვენს ქვეყანას. ძალიან მნიშვნელოვანია, რომ ხელისუფლების სხვადასხვა შტოს წარმომადგენლები ვახერხებდეთ, გამოვიდეთ ჩვენი ვიწრო გადასახედიდან და ცოტა უფრო ფართოდ შევხედოთ მოვლენებს. აღმასრულებელი ხელისუფლების, და საპარლამენტო უმრავლესობის წარმომადგენლები არიან მთელი ქვეყნის მინისტრები, მთელი საზოგადოების უმრავლესობის წარმომადგენლები, მთელი საზოგადოების ინტერესები უნდა დაიცვან. პრეზიდენტი ამისთვის მოწოდებულია. მე იმედი მაქვს, რომ მმართველ გუნდშიც გაივლის ეს ეიფორია და შექმნილ სიტუაციაში უფრო ჯანსაღი პოზიციის მქონე განცხადებები იქნება დომინანტი", - აღნიშნა პრეზიდენტის მრჩეველმა.
ფიხრია ჩიხრაძე იმედოვნებს, რომ დიალოგის თაობაზე პრეზიდენტის შეთავაზებასთან დაკავშირებით მმართველი გუნდი დღევანდელ სხდომაზე დადებით გადაწყვეტილებას მიიღებს.
