საპარლამენტო უმრავლესობა დახურულ ფორმატში, დღეს, საპროკურორო საბჭოს წევრობის კანდიდატებს მოუსმენს და უმრავლესობის ლიდერის კანდიდატურაზეც იმსჯელებს.
როგორც ჟურნალისტებს პარლამენტის ადამიანის უფლებათა დაცვის კომიტეტის თავმჯდომარემ, ეკა ბესელიამ განუცხადა, 28 ოქტომბერს, საპროკურორო საბჭოს წევრების დაკომპლექტების ვადა იწურება. შესაბამისად, უმრავლესობა კანდიდატების მოსმენას გეგმავს.
მისი თქმით, მმართველი გუნდი საპროკურორო საბჭოში უმრავლესობის კვოტით შემავალ დეპუტატზეც იმსჯელებს.
ბესელია ადასტურებს, რომ საპროკურორო საბჭოს წევრად მისი კანდიდატურაც განიხილება, მაგრამ საკითხი დღეს გადაწყდება.
დეპუტატის ცნობით, უმრავლესობა დღეს, შუალედურ არჩევნებზეც ისაუბრებს.
საპროკურორო საბჭოს წევრობის კანდიდატები არიან - ირმა ჭკადუა, პოლიკარპე მაღლაკელიძე და ლავრენტი მონიავა.
