გაეროს ადამიანის უფლებათა უმაღლესი კომისარიატი ჩეხეთს აკრიტიკებს. ამის მიზეზი მიგრანტებისთვია გაუსაძლისი პირობების შექმნა და მათი უფლებების დარღვევა გახდა. უმაღლესი კომისრის, ზეიდ რაად ალ-ჰუსეინის მტკიცებით, ლტოლვილებს ქვეყნის ტერიტორიაზე 90 დღეს აჩერებენ და ფულს ართმევენ იმისთვის, რომ მათი საცხოვრებელი ხარჯები აანაზღაურონ. გაეროს უმაღლესი კომისარიატის კრიტიკის ობიექტი ჩეხეთის პრეზიდენტი მილოშ ზემანიც გახდა, რომელმაც ლტოლვილთა შესახებ არაერთი ისლამოფობიური განცხადება გააკეთა.
