პრეზიდენტის ადმინისტრაციაში პოლიტიკურ პარტიებთან და დიპლომატიური კორპუსის წარმომადგენლებთან კონსტიტუციური წესრიგისა და სამოქალაქო სტაბილურობის შესანარჩუნებლად კონსულტაციები გაიმართება.
პრეზიდენტის მიერ სპეციალურ ბრიფინგზე, კონსულტაციების გამართვასთან დაკავშირებით გაკეთებული განცხადების შემდეგ, ავლაბრის რეზიდენციაში უკვე მივიდნენ ოპოზიციური პარტიების წარმომადგენლები.
პრეზიდენტის ადმინისტრაციაში იმყოფებიან "თავისუფალი დემოკრატების" წარმომადგენლები: ზურაბ აბაშიძე, ვიქტორ დოლიძე, გია ცაგარეიშვილი, ნინო გოგუაძე, ირაკლი ჩიქოვანი.
შეხვედრაში მონაწილეობენ აგრეთვე უშიშროების საბჭოს მდივანი ირინე იმერლიშვილი და პრეზიდენტის მრჩევლები.
