პარლამენტის საპროცედურო საკითხთა კომიტეტში საარჩევნო საკითხებთან დაკავშირებით, ინტერპარტიული კომისიის შექმნის საკითხი ჩავარდა.
კომიტეტს აღნიშნული კომისიის შექმნის ინიციატივით ფრაქცია „თავისუფალი დემოკრატებმა“ მიმართა და საკითხზე მსჯელობა დღეს, კომიტეტის სხდომაზე ცხარე კამათის ფონზე წარიმართა.
კომიტეტის თავმჯდომარის, გიორგი კახიანის განმარტებით, ის მსგავსი კომისიის შექმნის მიზანშეწონილობას ვერ ხედავს, რადგან საკონსტიტუციო კომისიისა და ინტერფრაქციული ჯგუფის სახით ისეთი ფორმატები არსებობს, რომლითაც შესაძლებელია საარჩევნო საკითხების განხილვა.
კომიტეტში საკითხის ჩაგდების მიუხედავად, მასზე მსჯელობა პლენარულ სხდომაზე მოხდება.
