თელავივში სტუდენტებთან შეხვედრისას გიორგი მარგველაშვილმა ერთ-ერთი სტუდენტის შეკითხვას უპასუხა, რომელიც სამხრეთ ოსეთსა და რუსულ-ქართულ ურთიერთობებს ეხებოდა. “ერთადერთი, რაც ჩვენ გვინდა, ეს არის მეგობრული ურთიერთობა მეზობელ ქვეყნებთან. ჩვენ ვმეგობრობთ თურქეთთან, სომხეთთან, აზერბაიჯანთან... მაგრამ მეგობრობის პრინციპებში არ შედის ის, რომ ჩემი ქვეყნის ტერიტორიაზე უცხო ქვეყნის ჯარები უნდა იდგეს. ბევრ ქართველს აქვს იგივე სენტიმენტები რუსი ხალხისა და კულტურის მიმართ, როგორც მე... და ეს არის ძალიან პოზიტიური სენტიმენტები, მაგრამ კიდევ ერთხელ ვიმეორებ- მე არ უნდა ვიყო ოკუპირებული მეგობრის მიერ,”-აღნიშნა მარგველაშვილმა.
