საქართველო ოკუპაციას არ შეეგუება. ამის შესახებ თელავივის ინტერდსციპლინურ ცენტრში გამოსვლისას საქართველოს პრეზიდენტმა განაცხადა. “ჩვენ გვაქვს მეგობრული ურთიერთობა ჩვენს მეზობელ ქვეყნებთან, თურქეთთან, სომხეთთან, აზერბაიჯანთან, მაგრამ სერიოზული პრობლემები გვაქვს ჩვენს დიდ მეზობელ რუსეთთან. ჩვენ ვართ 4 მილიონი ქვეყანა განვითარებადი ეკონომიკით, ახალი დემოკრატიით, რომელიც განიცდის ძლიერ ზეწოლას ბირთვული სახელმწიფოსგან. საქართველოს ტერიტორიების 20 პროცენტი დღემდე ოკუპირებულია. ჩვენ გვყავს დევნილები, რომლებიც საკუთარი საცხოვრებელი სახლებიდან ეთნიკური ნიშნით გამოაძევეს, მხოლოდ იმის გამო, რომ ქართველები იყვნენ. ჩვენმა ქვეყანამ თავისი ისტორიის მანძილზე უმძიმესი პერიოდები გამოიარა, მაგრამ შეინარჩუნა თავისი თვითმყოფადობა, სახელმწიფოებრიობა, ენა და ანბანი. ჩვენ გავძელით 3 ათასი წელი და დარწმუნებული ვარ, რომ მომავალშიც შევინარჩუნებთ ჩვენს სახელმწიფოს და თვითმყოფადობას. ჩვენ არასდროს შევეგუებით ოკუპაციას, ჩვენი უფლებებისა და სუვერენიტეტის დარღვევას. ჩვენ ვერ შევეგუებით იმას, რომ ჩვენი თავისუფალი არჩევანი წაგვართვან,”-აღნიშნა მარგველაშვილმა.