თელავივის ინტერდსციპლინურ ცენტრში გამოსვლისას საქართველოს პრეზიდენტმა ისრაელსა და საქართველოს შორის არსებულ მეგობრულ ურთიერთობებზეც ისაუბრა. “90-იან წლების დასწყისში საბჭოთა კავშირი დაინგრა და ჩვენ დავიწყეთ ახალი სახელმწიფოს მშენებლობა, რაც დაფუძნებული იყო წარსულის გამოცდილებასა და ისტორიაზე. ჩვენი წარსულის განუყოფელი ნაწილი კი იყო ებრაელი ხალხი. ისინი საუკუნეების მანძილზე ცხოვრობდნენ ჩვენს ქვეყანაში, ცხოვრობდნენ ყოველგვარი შევიწროვებისა და კონფრონტაციის გარეშე, რითაც ამაყი ვარ. ჩვენ დღესაც ერთად ვაშენებთ და ვაძლიერებთ ჩვენს სახელმწიფოებრიობას,”-აღნიშნა გიორგი მარგველაშვილმა.
