2016 წლის სახელმწიფო ბიუჯეტის პროექტთან დაკავშირებით შენიშვნები პარლამენტის საბიუჯეტო ოფისსაც აქვს.
საფინანსო-საბიუჯეტო კომიტეტის დღევანდელ სხდომაზე, შენიშვნები ოფისის ხელმძღვანელმა, თათა ხეთაგურმა წარადგინა.
ხეთაგურის ცნობით, ოპტიმისტური სცენარით გათვალისწინებული ფისკალური პოლიტიკის პასუხები მკაცრ ფისკალურ დისციპლინას მოითხოვს, რაც შესაძლებელია რთულად განსახორციელებელი იყოს.
„როგორც საერთაშორისო პრაქტიკა აჩვენებს, ე.წ. კაპიტალური ხარჯების ზრდის პირობებში, მოსალოდნელია მიმდინარე ხარჯები გაიზარდოს“, - აღნიშნავს ხეთაგური.
მისი თქმით, ეკონომიკური ზრდის შენელების პასუხად კაპიტალური ხარჯების არსებითი შემცირება საშუალოვადიან პერიოდში, ეკონომიკურ აქტივობაზე კიდევ უფრო უარყოფითად იმოქმედებს.
„2016 წლისთვის სახელმწიფო ბიუჯეტის საგადასახადო შემოსავლების ჯამური საპროგნოზო მოცულობა 7,940 მლნ ლარს შეადგენს, რაც ბიუჯეტის პროექტით წარმოდგენილ გეგმას 160 მლნ ლარით (2.1%-ით) აჭარბებს“, - დასძენს ხეთაგური.
პარლამენტმა ბიუჯეტის პროექტი შენიშვნებითურთ მთავრობას უკან დაუბრუნდა. აღმასრულებელი ხელისუფლება კი, დოკუმენტს საკანონმდებლო ორგანოში 5 ნოემბრამდე წარადგენს.
