პარლამენტის საფინანსო-საბიუჯეტო კომიტეტის თავმჯდომარის, თამაზ მეჭიაურის განცხადებით, „ნაციონალური მოძრაობის“ ოფისებზე თავდასხმები შესაძლოა იმის გამო ხდება, რომ ეს მმართველ გუნდს დაბრალდეს.
როგორც ჟურნალისტებს მეჭიაურმა განუცხადა, ის ქვეყანაში არანაირი სახის ძალადობას არ მიესალმება.
„შეიძლება, ვიღაცას ნერვები არ ჰყოფნის და არ ვიცი, ოფისებს თავს ვინ ესხმის, მაგრამ შეიძლება, მსგავსი რაღაც თავად დაზარალებულებმა გააკეთონ და რაღაც მომენტშია, შესაძლოა, მათ გავუგო. არ გამოვრიცხავ, რომ ვიღაცამ ეს იმისათვის გააკეთოს, რომ ყველაფერი მმართველ გუნდს დაბრალდეს. მართალი გითხრათ, მკითხავების უფრო მჯერა, ვიდრე NDI-ის“, - დასძინა მეჭიაურმა.
მეორე დღეა, რაც „ნაციონალური მოძრაობის“ რეგიონალურ ოფისებს თავს ესხმიან.
