საგარეო საქმეთა მინისტრის მოადგილის, გიგი გიგიძის ინფორმაციით, მიმდინარე წლის 16 ნოემბერს, ბრიუსელში დაგეგმილია ასოცირების საბჭოს მეორე შეხვედრა, სადაც ქართული დელეგაცია საქართველოს პრემიერ-მინისტრის ხელმძღვანელობით იქნება წარმოდგენილი.
როგორც ორი კომიტეტის გაერთიანებულ სხდომაზე გიგი გიგიაძემ განაცხადა, წლის ბოლომდე, საქართველო-ევროკავშირის ინსტიტუტების ყველა სხდომას ქართული მხარე უხელმძღვანელებს.
ამას გარდა, მინისტრის მოადგილის ცნობით, 9-10 ნოემბერს, საქართველოს სამუშაო ვიზიტით უმაღლესი ევროკომისარი ფედერიკა მოგერინი ეწვევა, ხოლო 26-27 ნოემბერს, ევროპული სამეზობლო პოლიტიკისა და გაწევრიანების თაობაზე მოლაპარაკებების საკითხებში ევროკომისარი იოჰანეს ჰანი.
