დღეს, 20 ოქტომბერს 16:30 საათზე, თბილისის მუნიციპალიტეტის საკრებულო ეკოლოგიურად სუფთა ავტომობილების ე.წ. ,,მწვანე ტრანსპორტის“ პოპულარიზაციის მიზნით, ფრანგი ტურისტების ინიციატივას უერთდება.
სამ მოგზაურს, რომლებიც პარიზიდან ბანგკოკში ელექტრო - მოტოროლერით მიემგზავრებიან, დედაქალაქის შემოსასვლელში საკრებულოს დეპუტატი შალვა ოგბაიძე დახვდება და სტუმრებს დედაქალაქის წარმომადგენლობით ორგანომდე, მის მიერ ორგანიზებული ელექტრო-მობილების ესკორტით მიაცილებს. აქციის მიზანი ეკოლოგიურად სუფთა გარემოს შენარჩუნებაა. ტურისტებს საკრებულოსთან წარმომადგენლობითი ორგანოს თავმჯდომარე გიორგი ალიბეგაშვილი, გარემოს დაცვის კომისიის თავმჯდომარე შორენა ბუხრაშვილი და სხვა დეპუტატები დახვდებიან და სამახსოვრო საჩუქრებს გადასცემენ.
