„ნაციონალური მოძრაობის“ წევრი აკაკი ბობოხიძე მარეგულირებელი კომისიების წარმომადგენლთა ხელფასებზე ზედა ზღვარის დაწესებას ითხოვს.
ბობოხიძემ შესაბამისი ცვლილებები კანონმდებლობაში უკვე მოამზადა, რომლის ინიცირებაც ბიუროს გუშინდელ სხდომაზე მოხდა.
ცვლილებებით, სემეკი-სა და კომუნიკაციების მარეგულირებელი კომისიის თავმჯდომარეების ხელფასები საკონსტიტუციო სასამართლოს თავმჯდომარის ყოველთვიური თანამდებობრივი სარგოს განაკვეთს არ უნდა აღემატებოდეს, ხოლო კომისიის წევრთა ხელფასი საკონსტიტიციო სასამართლოს მოსამართლეთა ყოველთვიურ შრომით ანაზღაურებას.
კანონმდებელი მიიჩნევს, რომ მარეგულირებელ კომისიებსა და საპარტნიორო ფონდში დასაქმებულ პირებს შეუსაბამოდ მაღალი სახელფასო განაკვეთი გააჩნიათ.
შეგახსენებთ, რომ სასამართლოს თავმჯდომარის ყოველთვიური თანამდებობრივი სარგო - 7 000 ლარს შეადგენს.