საქართველოს საგარეო საქმეთა მინისტრი ოფიციალური ვიზიტით აზერბაიჯანში იმყოფება. გიორგი კვირიკაშვილმა და აზერბაიჯანის საგარეო საქმეთა მინისტრმა ტრანსპორტის სფეროში თანამშრომლობაზე ისაუბრეს და ევროპა-აზიის დამაკავშირებელი სატრანსპორტო დერეფნის შეუფერხებელი ფუნქციონირების უდიდესი მნიშვნელობაც აღნიშნეს. ამ კონტექსტში განსაკუთრებული ყურადღება ბაქო-თბილისი-ყარსის სარკინიგზო პროექტის საკითხს დაეთმო. საგარეო უწყების ინფორმაციით, ქვეყანა განაგრძობს აქტიურ თანამშრომლობას სამხრეთის ენერგეტიკული დერეფნის რეალიზაციის თვალსაზრისით, რითაც საქართველო და აზერბაიჯანი განსაკუთრებულ როლს ასრულებენ რეგიონში და ევროპის ენერგოუსაფრთხოების განმტკიცებაში.
