დედაქალაქის მუნიციპალიტეტის საკრებულოში "თბილისობის" დღესასწაულის ფარგლებში თბილისისა და ზაარბრუკენის დაძმობილების 40 წლის იუბილეს აღსანიშნავად მიღება გაიმართა, რომელსაც საკრებულოს თავმჯდომარე გიორგი ალიბეგაშვილი, დედაქალაქის მერი დავით ნარმანია, მერის მოადგილეები და საკრებულოს დეპუტატები დაესწრნენ.
დაძმობილების 40 წლის იუბილეს აღსანიშნავად ზაარბრუკენის დელეგაცია დედაქალაქში თბილისის მერის დავით ნარმანიას მოწვევითა და ვიცე-მერის რალფ ლატცის ხელმძღვანელობით თბილისში 15 ოქტომბერს ჩამოვიდა.
მოწვეულ სტუმრებს სიტყვით დედაქალაქის საკრებულოს თავმჯდომარემ, თბილისის მერმა და საკრებულოს დეპუტატებმა მიმართეს.
გიორგი ალიბეგაშვილი გერმანელ სტუმრებს მიესალმა, ქართულ-გერმანული ურთიერთთანამშრომლობისა და მეგობრობის მნიშვნელობაზე ისაუბრა და კონკურსის ,,თბილისი 2015’’ დაჯილდოვების ცერემონიალზე დაპატიჟა.
ღონისძიების მონაწილეებს სიტყვით დავით ნარმანიამ მიმართა და წლევანდელი თბილისობის’’ გამორჩეულობაზე ისაუბრა.
,,წლევანდელი სახალხო დღესასწაული გამორჩეულია, რადგან „თბილისობა 2015“-ის პარალელურად, თბილისსა და ზაარბრიუკენს შორის დაძმობილების 40 წლის იუბილე აღინიშნება. ორმოცწლიანი მეგობრობის განმავლობაში, ზაარბიუკენი მუდამ იდგა თბილისის გვერდით’’,-განაცხადა დავით ნარმანიამ.
ფრაქციის ,,ქართული ოცნება-დემოკრატიული საქართველოსთვის’’ თავმჯდომარემ რიმა ბერაძემ 13-14 ივნისში მომხდარი სტიქიის დროს გერმანელი ხალხის მიერ გაწეულ დამხარებას გაუსვა ხაზი და ზაარბრუკენის დელეგაციას გვერდზე დგომისა და მეგობრობისთვის მადლობა გადაუხადა.
ზაარბრუკენის დელეგაციას საკრებულოს განათლებისა და კულტურის კომისიის თავმჯდომარე მიესალმა და ზაარბრუკენსა და თბილისს შორის სტუდენტების გაცვლით პროგრამის მნიშვნელობაზე ისაუბრა.
თამარ ტალიაშვილმა ზაარბრუკენის დელეგაციას ქართველი სტუდენტებისთვის დასავლური კულტურის გაცნობისა და შესწავლის საშუალების მიცემისთვის მადლობა გადაუხადა.
,,აღნიშნული პროგრამის ფარგლებში მე თავად 1 წლის განმავლობაში ვსწავლობდი ზაარბრუკენში და ვთვლი, რომ ქართველი სტუდენტებისთვის მსგავსს პროგრამებში მონაწილეობა ძალიან მნიშვნელოვანია’’,-აღნიშნა დეპუტატმა.
ზაარბრუკენის ვიცე-მერიმა რალფ ლატციმ დედაქალაქის საკრებულოსა და მერიის წარმომადგენლებს მოწვევისთვის მადლობა გადაუხადა და იმედი გამოთქვა, რომ ორ დამეგობრებულ ქალაქს შორის არსებული ურთიერთობა კიდევ უფრო გაღრმავდება და შესაბამისად, მეტ მნიშვნელობას შეიძენს.
შეხვედრა გერმანელ და ქართველ მსახიობ ქალთა გუნდის მიერ შესრულებული რამდენიმე ნაწარმოებით დასულდა.
თბილისსა და ზაარბრიუკენს შორის პარტნიორობის ხელშეკრულებას ხელი 1975 წლის 22 მარტს მოეწერა.
