საქართველოს ყოფილი პრეზიდენტი მიხეილ სააკაშვილი NDI-ის გამოკითხვის შედეგებს "ფეისბუქის" გვერდზე ეხმაურება.

"პირველად 2012 წლის არჩევნების შემდეგ საქართველოში NDI-ის გამოკითხვებით, ჩემი პარტია ძირითადი ლიდერების დაპატიმრებისა და ქვეყნიდან გაძევების მიუხედავა, იგებს არჩევნებს", - წერს სააკაშვილი.

NDI-ის კვლევის შედეგების მიხედით, ხვალ რომ საპარალამეტო არჩევნები ტარდებოდეს ამომრჩეველის 15% ნაციონალურ მოძრაობას, ხოლო 14% „ქართულ ოცნებას“ მისცემდა ხმას. ირაკლი ალასანია - თავისუფალი დემოკრატიების მხარდაჭერას აპირებს  გამოკითხულთა 5%. 5% უჭერს მხარს პატრიოტთა ალიანსს, ლეობორისტულ პარტიას ხმას მისცემდა გამოკითხულთა 4%, ნინო ბურჯანაძე - გაერთიანებულ ოპოზიციას 3%, სხვა - 2%, გამოქვეყნებული კვლევის მიხედვით, იმ რესპოდენტების 31%-მა, რომლებიც ხვალ რომ არჩევნები ტარდებოდეს და მასში მონაწილეობას აპირებენ, არ იცის ვის მისცემდა ხმას. პასუხზე უარი განაცხადა გამოკითხულთა 11%-მა, 10% კი არც ერთ პარტიას არ აძლევს ხმას.

კვლევა 8 აგვისტოდან - 10 სექტემბრამდე პერიოდში, საქართველოს მასშტაბით 4,448 პირისპირ ინტერვიუს წარმომადგენობითი შერჩევის საფუძველზე, ქვეყნის მოსახლეობას შორის ჩატარდა. კვლევაში საშუალო ცდომილების ზღვარი არის +/- 3.01%. NDI-ის კვლევებს აფინანსებს შვედეთის საერთაშორისო თანამშრომლობის განვითარების სააგენტო (Sida) და ატარებს კავკასიის კვლევითი რესურსების ცენტრი (CRRC).