საქართველოს მოსახლეობის 34% მიიჩნევს, რომ ევროკავშირს საქართველოზე საშუალო გავლენა აქვს. ამის შესახებ ნათქვამია ეროვნულ დემოკრატიული პარტიის მიერ გამოქვეყნებულ კვლევაში.
კვლევის მიხედვით, გამოკითხული რესპოდენტების 25% მიიჩნევს, რომ ევროკავშირს საქართველოზე დიდი პოლიტიკური გავლენა აქვს. მცირე/არანაირ პოლიტიკურ გავლენაზე საუბრობს 21%.
რაც შეეხება ევროკავშირის ეკონომიკურ გავლენას, რესპოდენტების 18% მიიჩნევს, რომ დიდი გავლენაა, 33% საშუალო გავლენაზე საუბრობს, ხოლო 28% მცირე/ არანაირ გავლენაზე.
ევროკავშირის კულტურული გავლენის თვალსაზრისით 15% მიიჩნევს, რომ ეს გავლენა დიდია, 34%-ის აზრით გავლენა საშუალოა, ხოლო 31% თვლის რომ მცირე/არანაირი გავლენა არ არსებობს.
კვლევა 8 აგვისტოდან - 10 სექტემბრამდე პერიოდში, საქართველოს მასშტაბით 4,448 პირისპირ ინტერვიუს წარმომადგენობითი შერჩევის საფუძველზე, ქვეყნის მოსახლეობას შორის ჩატარდა. კვლევაში საშუალო ცდომილების ზღვარი არის +/- 3.01%. NDI-ის კვლევებს აფინანსებს შვედეთის საერთაშორისო თანამშრომლობის განვითარების სააგენტო (Sida) და ატარებს კავკასიის კვლევითი რესურსების ცენტრი (CRRC).
