ამერიკის შეერთებული შტატების საერთაშორისო განვითარების სააგენტოს USAID-ის დახმარებით, საქართველოს ინტელექტუალური საკუთრების ეროვნულ ცენტრს - საქპატენტს, სრულყოფილი განაცხადების ელექტრონული სისტემა, ელექტრონული საკანცელარიო პროგრამა და განახლებული ვებ-გვერდი ექნება.
საგრანტო ხელშეკრულების საფუძველზე, სამოქმედო გეგმის პრეზენტაციას დღეს საქპატენტის სათაო ოფისში დაესწრნენ აშშ-ს ვაჭრობის დეპარტამენტის მდივნის მოადგილე ბრიუს ენდრიუსი და ჯონათან კააცი, USAID-ის ადმინისტრატორის მოადგილე ევროპასა და ევრაზიაში.
ინტელექტუალური საკუთრების უფლებების ელექტრონული მმართველობის განახლებული სისტემის პროექტის თანახმად, ელექტრონული ბაზა შესაძლებელს გახდის ინტელექტულური საკუთრების ყველა ობიექტზე წარმოება მოხდეს ელექტრონულად, განცხადების შეტანიდან სიგელის გაცემამდე, ასევე ახალი ვებ-გვერდი, განახლებული შინაარსით და ახალი დიზაინით, ინტეგრირებული იქნება ელექტრონულ ბაზასთან გაფართოებული ძიების ფუნქციით. შეხვედრაზე ახალი საკანცელარიო სისტემის პროექტის პრეზენტაცია შედგა, რომელიც მიცემს საქპატენტს საშუალებას საქმის წარმოება განახორციელოს ელექტრონულად, ქაღალდის გარეშე, და რომელიც ინტეგრირებული იქნება ბაზასთან და შეუქმნის საქპატენტის თანამშრომელს სრულ სამუშაო მაგიდას (პორტალს).
247 000 აშშ დოლარის ოდენობის გრანტი ასევე მოხმარდება აპარატურის შეძენას, ინტელექტუალური საკუთრების სასწავლო ცენტრისთვის რაც უცხოელი ექსპერტების მიერ ვიდეო ლექციების ჩატარებას გახდისშე საძლებელს.
