,,ნაციონალური მოძრაობა" დიპლომატიური კორპუსისა და საერთაშორისო ორგანიზაციების წარმომადგენლებთან შეხვედრას მართავს.
პარტიის ცენტრალურ ოფისში დიპლომატებს "ნაციონალური მოძრაობის" საერთაშორისო მდივანი, გიგა ბოკერია და პარტიის საზოგადოებრივ ორგანიზაციებთან ურთიერთობის მდივანი, ზურაბ ჭიაბერაშვილი ხვდებიან.
გიგა ბოკერიამ შეხვედრის დაწყებამდე ჟურნალისტებთან განაცხადა, რომ დიპლომატებს ინფორმაციას ქვეყანაში შექმნილ პოლიტიკურ ვითარებასთან დაკავშირებით მიაწვდიან, საუბარი იქნება ასევე, "რუსთავი2"-ის და ზოგადად მედიაში არსებულ მდგომარეობაზე. საუბარი შეეხება პარტიებს შორის გამართულ პოლიტიკურ კონსულტაციებსა და საპროტესტო აქციების მონაწილეთა დევნის საკითხსაც.
შეხვედრა დახურულ კარს მიღმა მიმდინარეობს.
