"აფსნი პრესის" ინფორმაციით, ე.წ.აფხაზური დელეგაცია ლონდონში გამართულ საერთაშორისო კონფერენციას დაესწრო. სააგენტოს ცნობით, მეცნიერები საველი ჭითანავა და ედუარდ გუბაზი ლოდონში გამართულ, ბიომრავალფეროვნებისა და გენეტიკური მასალების შენახვის საკითხებს მიძღვნილ კონფერენციას ესწრებოდნენ. როგორც "აფსნი პრესთან" საუბარში ჭითანავამ განაცხადა, მეცნიერები ღონისძიებაზე "რესპუბლიკა აფხაზეთის დელეგატების" სტატუსით იმყოფებოდნენ.
"კონფერენციის მასალებში გამოქვეყნებულ ჩვენს ანგარიშებში, მოგვიხსენიებენ როგორც მეცნიერებს რესპუბლიკა აფხაზეთის ბოტანიკის ინსტიტუტიდან, რაც ძალიან მნიშვნელოვანია. კონფერენციის მონაწილეები მოდიოდნენ და გვეკითხებოდნენ, სად მდებარეობს ჩვენი ქვეყანა", - აცხადებს ჭითინავა.მისი თქმით, აფხაზმა მეცნიერებმა ლონდონის სამეფო ბოტანიკური ბაღი დაათვალიერეს და ბაღის ადმინისტრაციასთან გამართული შეხვედრის შემდეგ, ე.წ. აფხაზეთში ერთობლივი ექსპედიციის ორგანიზებაზე შეთანხმდნენ.
