დედაქალაქის მერის დავით ნარმანიას საქმიანობა ცუდად ფასდება. ამის შესახებ ნათქვამია ეროვნულ დემოკრატიული ინსტიტუტის მიერ გამოქვეყნებულ კვლევაში.
კვლევის მიხედვით, დედაქალაქის მერის დავით ნარმანიას საქმიანობას გამოკითხული რესპოდენტების 36% ცუდად აფასებს. კვლევაში ჩამოთვლილი თვითთმართველობის აღმასრულებელი ხელისუფლების წარმომადგენელთა შორის, სწორედ ნარმანიას საქმიანობა ფასდება ყველაზე ცუდად. ნარმანიას საქმიანობას მხოლოდ 12% აფასებს კარგად და 44% საშუალოდ.
გამოკითხვის შედეგების მიხედვით, ყველაზე ”კარგად” ფასდება ახალციხის გამგებლის გიორგი კოპაძის საქმიანობა - 29%.მის საქმიანობას საშუალოდ აფასებს რესპოდენტების 53%, ცუდად - 8%. თელავის მერის - პლატონ კალმახელიძის საქმიანობას კარგად აფასებს - 25%, საშუალოდ -32%, ცუდად - 11%. ბეგლარ სიორიძის (ოზურგეთის მერი) - საქმიანობას კარგად აფასებს რესპოდენტების 21%, საშუალოდ - 35%, ცუდად - 13%. რაც შეეხება მცხეთის მერს, ავთანდილ ნემსიწვერიძეს, მის საქმიანობას ”კარგად” აფასებს - 21%, საშუალოდ - 37%, ცუდად- 18%. ქუთაისის მერის შოთა მურღულიას საქმიანობა მოსწონს - 18%-ს, საშუალო შეფასებას აძლევს 46%, და ცუდად მიიჩნევს - 18%. ზუგდიდის მერის, ირაკლი გოგოხიას საქმიანობა მიაჩნია რომ კარგია, რესპოდენტების 18%-ს, საშუალოდ მიიჩნევს - 49%, ცუდად - 5%. რაც შეეხება ბათუმის მერს - გიორგი ერმაკოვს, მის საქმიანობას კარგი შეფასება მისცა რესპოდენტების 15%-მა, საშუალო შეფასება - 39%-მა, ხოლო ცუდი 19%-მა.
გორის მერის ზურაბ ჯირკველიშვილის საქმიანობა მოსწონს 7%-ს, საშუალოდ აფასებს 31%, და ცუდად მიიჩნევს 19%.
NDI-ის კვლევის საველე სამუშაოები 8 აგვისტო-10 სექტემბრის პერიოდში ჩატარდა. საქართველოს მასშტაბით, გამოიკითხა 4,448 ადამიანი. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.
