პრეზიდენტის ბოლო პერიოდის აქტივობები მის საკონსტიტუციო უფლებებს სცილდება, - ამ განცხადებას უმრავლესობის წევრი გია ვოლსკი, გიორგი მარგველაშვილის ინიციატივის კომენტირებისას აკეთებს, რომლის თანახმადაც პრეზიდეტი ენერგოუსაფრთხოების საკითხის მთავრობის სხდომაზე გატანას ითხოვს.
უმრავლესობის დეპუტატი ფიქრობს, რომ გიორგი მარგველაშვილი პოლიტიკურ თამაშს შეუდგა.
„პრეზიდენტის ბოლო პერიოდის აქტივობები საერთოდ სცილდება მის საკონსტიტუციო უფლებებს. გარდა ამისა, აშკარად პოლიტიკურ შეფერილობას იძენს. რაც შეეხება გაზპრომის თუ სხვა ნებისმიერ თემას, მთავრობას ეყოფა კომპეტენცია, რომ პასუხი გასცეს იმ შეკითხვებს, რაც საზოგადოებაშია. პრეზიდენტი პოლიტიკურ თამაშს შეუდგა აშკარად, არც თუ დიპლომატიური მანერით“, - განაცხადა ვოლსკიმ.
