საქართველოს პრეზიდენტის მრჩეველი ეკონომიკურ საკითხებში გიორგი აბაშიშვილი საერთაშორისო სავალუტო ფონდის მუდმივ წარმომადგენელს, აზიმ სადიკოვს შეხვდა. პრეზიდენტის ადმინისტრაციის ინფორმაციით, საუბრის თემა ვაშინგტონში საქართველოს პრეზიდენტისა და საერთაშორისო სავალუტო ფონდის მმართველი დირექტორის შეხვედრის შედეგები იყო. საუბარი შეეხო ეროვნული ბანკის საბჭოში გიორგი ქადაგიძის ადგილმონაცვლის შერჩევის პროცესსა და ეროვნული ბანკის საფინანსო ზედამხედველობის სამსახურის საქმიანობის შეჩერების შესახებ საკონსტიტუციო სასამართლოს გადაწყვეტილებასაც.
