იუსტიციის მინისტრი თეა წულუკიანი საერთო სასამართლოების შესახებ კანონპროექტთან დაკავშირებით, მოსამართლეებთან შესახვედრად მზადაა.
,,თუ აღმოჩნდა, რომ ქალბატონი ნინოს ზოგიერთ იდეას რომელიმე მოსამართლე არ იზიარებს და სურს ავტორთან შეხვდრა, მე მზად ვარ მათთან შესახვედრად, იქნება ეს დღეს, ხვალ თუ კვირის ბოლომდე. დასაკარგი დრო ჩვენ არ გვაქვს. შევხვდეთ, გავიაროთ ყველა რეფორმის კომპონენტი. მიხარია, რომ ისინი რეფორმას კი არ ეწინააღმდეგეებიან, არამედ სურთ იდეებზე, მოსაზრებებზე საუბარი", - განაცხადა თეა წულუკიანმა და დასძინა, რომ მართლმსაჯულების რეფორმა ვერ გაჩერდება.
იუსტიციის უმაღლესი საბჭოს მდივანმა, ლევან მურუსიძემ დღეს განაცხადა, რომ საერთო სასამართლოების შესახებ კანონპროექტში უზენაესი სასამართლოს თავმჯდომარის, ნინო გვენეტაძის ინიციატივებია შეტანილი, რასაც მოსამართლეთა აბსოლუტური უმრავლესობა არ ეთანხმება.
საინიციატივო ჯგუფის წევრებმა შეიმუშავეს წერილი იუსტიციის მინისტრ თეა წულუკიანისადმი, სადაც მინისტრთან შეხვედრას და საკუთარი ინიციატივების შესახებ საუბარს მოითხოვენ.
