"ერთიანი ნაციონალური მოძრაობა" მიიჩნევს, რომ პრეზიდენტმა უშიშროების საბჭოს სხდომა უნდა მოიწვიოს.
“გადაწყვეტილება, ყოველგვარი ეკონომიკური არგუმენტაციის, ყოველგვარი ეკონომიკური ლოგიკის გარეშე ჩაანაცვლონ აზერბაიჯანული სტაბილური და იაფი გაზი რუსული ძვირი და არასტაბილური გაზით, ატარებს პოლიტიკურ ხასიათს, მიმართულია ქვეყნის ენერგეტიკული უსაფრთხოების დასუსტებისკენ. მოვუწოდებთ საქართველოს ხელისუფლებას, მოვუწოდებთ საქართველოს პრეზიდენტს, მოიწვიოს უშიშროების საბჭოს სხდომა, რათა ეს უმნიშვნელოვანესი საკითხი განიხილოს”, განაცხადა დღეს გამართულ ბრიფინგზე ენმ-ს ერთ-ერთმა ლიდერმა ნუგზარ წიკლაურმა.
“საქართველო წელიწადში მოიხმარს ორ მილიარდ კუბურ მეტრ ბუნებრივ აირს. აქედან, უშუალოდ სოკარის მილით მოგვეწოდება ერთი მლრდ კუბური მეტრი. ამ მილს აქვს პოტენციალი, რომ დღესვე, მოთხოვნის გაჩენის შემთხვევაში, დაკმაყოფილდეს დამატებით ერთი მილიარდი კუბური მეტრი. საქართველოს მთავრობა უარს ამბობს თავისი პოლიტიკით სტაბილურ მომწოდებელთან, სტრატეგიულ პარტნიორთან, აზერბაიჯანთან ურთიერთობაზე და გადადის სასაუბროდ იმ სახელმწიფოსთან, იმ კომპანიასთან, რომლებიც მუდმივად ეკონომიკის მიუხედავად, პოლიტიკურ მიმართულებით მოქმედებენ”, აღნიშნა ზურაბ მელიქიშვილმა
