ნატო-ს გენერალური მდივანი იენს სტოლტენბერგი რუსეთს მოუწოდებს შეწყვიტოს ბაშარ ალ-ასადის მხარდაჭერა. ბრიუსელში ნატო-ს თავდაცვის მინისტერიალის ერთ-ერთი მთავარი თემა სწორედ რუსეთის მიერ სირიაში დაწყებული სამხედრო ოპერაციაა.
შეხვედრის დაწყებამდე ნატო-ს გენერალურმა მდივანმა ასევე განაცხადა, რომ ნატო საკუთარი მოკავშირეების დასაცავად მზად არის.
"ბიბისის" ინფორმაციით, საქმე ეხება 3 და 4 სექტემბერს რუსული სამხედრო თვითმფრინავების მიერ თურქეთის საჰაერო სივრცის დარღვევას.
გარდა ამისა, მინისტერიალზე დიდი ბრიტანეთის თავდაცვის მინისტრი მაიკლ ფელონი ოფიციალურად დაადასტურებს, რომ ლონდონი ბალტიისპირეთის ქვეყნებში ბრიტანელ სამხედროებს გააგზავნის. ანალოგიური გადაწყვეტილება აშშ-მ და გერმანიამაც მიიღეს.
ბრიუსელში დაწყებულ მინისტერიალზე თავდაცვის მინისტრები ავღანეთში არსებულ ვითარებაზეც იმსჯელებენ.
თავდაცვის მინისტრები შეხვედრაზე დაამტკიცებენ სამხედრო კონცეფციას, რომლის თანახმადაც, ნატო-ს სწრაფი რეაგირების ძალები გაორმაგდება.
