“რუსთავი 2-ის” გარშემო განვითარებულ მოვლენებს ოფიციალური ვაშინგტონი ეხმაურება. საგანგებო განცხადება სახელმწიფო დეპარტამენტის წარმომადგენელმა მარკ თონერმა გააკეთა. მისი თქმით, ვაშინგტონი ქართულ მედიასთან დაკავშირებულ პროცესებს თვალს ყურადღებით ადევნებს და იმედოვნებს, რომ სასამართლო პროცესები, რომელიც მედიასაშუალებებთან არის დაკავშირებული, ობიექტურად ჩატარდება. “ბოლო წლებში შეერთებული შტატების ხელისუფლება მაღალ შეფასებას აძლევდა საქართველოში თავისუფალი და პლურალისტური მედიის არსებობას, რომელიც რეგიონისთვის ერთგვარი მოდელი იყო. ამიტომ, ნებისმიერი ზეწოლის ფაქტი, მედიისთვის ზარალის მიყენება, განსაკუთრებით წინასაარჩევნო პერიოდში დაუშვებელია,”-აღნიშნა თონერმა.
