ჯონ მაქქეინი ობამას ადმინისტრაციას გააქტიურებისკენ მოუწოდებს. საგანგებო განცხადება რესპუბლიკელმა სენატორმა კონგრესში გამოსვლისას გააკეთა.
„ჩვენ უნდა ვუთხრათ პუტინს, რომ თუ სირიაში მისი თვითმფრინავები დაფრინავენ, ჩვენი თვითმფრინავებიც თავისუფლად იფრენენ და რომ უმჯობესია ჩვენგან თავი შორს დაიჭირონ. დიქტატორ და თაღლით პუტინს მხოლოდ ძლიერი და ძალაზე დამყარებული ამერიკული პოლიტიკა შეაჩერებს. ჩვენ მსოფლიოში ჯერ კიდევ ძლიერი ქვეყანა ვართ და მოვიდა დრო, შესაბამისად ვიმოქმედოთ,“-აღნიშნა მაქქეინმა.
