რუსეთი ერთადერთი ქვეყანაა, რომელსაც სირიის კონფლიქტის დასრულება შეუძლია. ამის შესახებ რუსეთის ფედერაციის საბჭოს საერთაშორისო კომიტეტის ხელმძღვანელმა კონსტანტინ კოსაჩევმა განაცხადა. მისივე თქმით, ერთადერთი ძალა, რომელიც სირიაში ტერორისტებს ებრძვის, ასადის რეჟიმია და მას მხარდაჭერა სჭირდება. „გასაგებია, რომ რუსეთის მიერ სირიაში მიღწეული წარმატება დასავლეთისთვის ყელში გაჩხერილი ძვალია, მაგრამ დასავლეთმა უნდა გააცნობიეროს, რომ რუსეთი ერთადერთი ძალაა, რომელსაც ამ კონფლიქტის დასრულება შეუძლია და თუ რუსეთს მხარს არ დაუჭერენ, ხელი მაინც არ უნდა შეუშალონ,“-აღნიშნა კოსაჩევმა.
