საქართველოს ვიცე-პრემიერმა, საგარეო საქმეთა მინისტრმა გიორგი კვირიკაშვილმა ქ. ნიუ-იორკში მონაწილეობა მიიღო ევროპული საბჭოს პრეზიდენტის დონალდ ტუსკის,ევროკომისიის ვიცე-პრეზიდენტის ფრანს ტიმერმანსის და ევროპის საგარეო და უსაფრთხოების საკითხებში უმაღლესი წარმომადგენლის ფედერიკა მოგერინის სახელით გამართულმიღებაში.
საგარეო უწყების ინფორმაციით, ღონისძიება გაერო-ს გენერალური ასამბლეის 70-ე სესიის ფარგლებში გაიმართა. საღამოს მონაწილეებს სიტყვით მიმართეს ევროპული საბჭოს პრეზიდენტმა, ევროკომისიის ვიცე-პრეზიდენტმა და უმაღლესმა წარმომადგენელმა. მათ ისაუბრეს საერთაშორისო თანამეგობრობაში არსებული უსაფრთხოების გარემოზე და ევროკავშირის როლზე გლბალურპროცესებში.
საქართველოს ვიცე-პრემიერი ღონისძიების ფარგლებში ევრპოკავშირის ხელმძღვანელ პირებს გაესაუბრა. გიორგი კვირიკაშვილი და ფედერიკა მოგერინი მოკლედ შეეხნენ საქართველო-ევროკავშირის თანამშრომლობის ძირითად საკითხებს, რაც ქვეყნის ევროპული ინტეგრაციის პროცესს უკავშირდება და ისაუბრეს უახლოეს მომავალში მათი შეხვედრისშესაძლებლობებზე.
ევროკავშირის წარმომადგენლობაში გამართულ მიღებას ევროკავშირის წვერი ქვეყნების პირველი პირები, მათ შორის ბულგარეთის პრეზიდენტი და ევროკავშირის წევრი ქვეყნებისსაგარეო საქმეთა მინისტრები ესწრებოდნენ.
