საქართველოს მთავრობა გენდერული თანასწორობის ეროვნულ სტრატეგიას მოამზადებს, გენდერულ საკითხებზე მუშაობისთვის კი უწყებათაშორისი კომისია შეიქმნება. ამის შესახებ საქართველოს პრემიერ-მინისტრმა გენდერული თანასწორობისა და ქალთა უფლებამოსილების გაზრდის საკითხებზე მსოფლიო ლიდერებტა შეხვედრაზე სიტყვით გამოსვლისას განაცხადა. მთავრობის მეთაურმა ხაზგასმით აღნიშნა, რომ საქართველო მომავალშიც გააგრძელებს გენდერული თანასწორობის, ოჯახში ძალადობის წინააღმდეგ ბრძოლისა და ქალთა მშვიდობასა და უსაფრთხოებასთან დაკავშირებული რეზოლუციის ეროვნული სამოქმედო გეგმების განახლებას. მისივე თქმით, საქართველო 9-10 ნოემბერს ევროპის სამეზობლოში გენდერული თანასწორობის უზრუნველყოფის საკითხებზე მაღალი დონის საერთაშორისო კონფერენციას უმასპინძლებს.
