საქარველოს პარლამენტის წევრი ზვიად კვაჭანტირაძე საპარლამენტო უმრავლესობის ლიდერი ხდება.
როგორც კვაჭანტირაძემ რუსთავი 2-ს განუცხადა, მის კანდიდატურას ირაკლი ღარიბაშვილი ამერიკიდან დაბრუნების შემდეგ პოლიტსაბჭოს სხდომაზე მმართველ გუნდს წარუდგენს.
„უნდა დაგიდასტუროთ, რომ პრემიერისგან მივიღე ასეთი შემოთავაზება და გუშინწინ საბოლოოდ შევთანხმდით, რომ ირაკლი ღარიბაშვილი წარადგენს ჩემს კანდიდატურას. მე, რა თქმა უნდა, დავთანხმდი. ჩემი კანდიდატურა პოლიტსაბჭოზე პრემიერის ამერიკიდან დაბრუნების შემდეგ დასახელდება. მე დიდი იმედი მაქვს, რომ თანაგუნდელებისგან სრულ მხარდაჭერას მოვიპოვებ,“ - აცხადებს ზვიად კვაჭანტირაძე.
შეგახსენებთ, რომ საპარლამეტო უმრავლესობის ყოფილი ლიდერი დავით საგანელიძე საპარტნიორო ფონდის ხელმძღვანელად დაინიშნა.
