იმ შემთხვევაში, თუკი პრეზიდენტი ,,ერეკლე მეორის საზოგადოების” წევრებს არ შეხვდება, ორგანიზაცია მრავალათასიან აქციას აანონსებს. სამხედრო ნეიტრალიტეტის მოთხოვნით მიმდინარე აქციის მონაწილეები გიორგი მარგველაშვილთან შეხვედრას ითხოვენ.
აქციის ერთ-ერთმა ორგანიზატორმა, საზოგადოების ხელმძღვანელმა არჩილ ჭყოიძემ საქართველოს პრეზიდენტის ადმინისტრაციაში წერილი შეიტანა.
მისი თქმით, იმ შემთხვევაში, თუ პრეზიდენტი მათ არ შეხვდება და მათ მოთხოვნებს არ მოისმენს, მომდევნო აქცია უკვე მრავალათასიანი იქნება.
,,საქართველომ რუსეთთან დიპლომატიური ურთიერთობები უნდა აღადგინოს და სამხედრო ნეიტრალიტეტი გამოაცხადოს, რაც, სწორედ პრეზიდენტ გიორგი მარგველაშვილის პრეროგატივაა”, აცხადებს ჭყოიძე.
პრეზიდენტის ადმინისტრაციასთან აქცია უკვე დასრულებულია.
