საპარლამენტო უმრავლესობის ლიდერი სავარაუდოდ ზვიად კვაჭანტირაძე გახდება. დავით საგანელიძის შემცვლელის საკითხი, საპარლამენტო უმრავლესობაში კონსულტაციების შედეგად გადაწყდება.
რაც შეეხება საპარტნიორო ფონდის ხელმძღვანელად დანიშნული დავით საგანელიძის საარჩევნო სიის მიხედვით ადგილმონაცვლე ედიშერ თოლორაიას, იგი არსებული ინფორმაციით, უარს აცხადებს დეპუტატობაზე და ზუგდიდის გამგებლად დარჩენას ამჯობინებს.
პარლამენტში დავით საგანელიძის ადგილმონაცვლის საკითხი ცესკო-მ უნდა განიხილოს და შემდეგ კანდიდატურა პარლამენტს წარუდგინოს.
