,,თავისუფალი დემოკრატების” წევრის შალვა შავგულიძის განცხადებით, არ აქვს მნიშვნელობა რომელი ოპოზიციური ძალა დააყენებს საკითხს, თუ ის სწორად იქნება დაყენებული ერთმანეთს მხარს დაუჭერენ.
,,ნაციონალურმა მოძრაობამ” და ,,თავისუფალმა დემოკრატებმა” „ეროვნული ბანკის შესახებ“ კანონში განხორციელებულ ცვლილებებთან დაკავშირებით საკონსტიტუციო სასამართლოში ძირითად სარჩელთან ერთად კიდევ ერთ შუამდგომლობა დააყენეს, რაც გულისხმობს იმას, რომ შეჩერდეს ნორმატიული აქტებით, რითაც ახალმა სააგენტომ უნდა დაიწყოს მუშაობა.
„არ აქვს მნიშვნელობა რომელი ოპოზიციური ძალა დააყენებს საკითხს. საკითხი თუ არის სწორად დაყენებული, საკითხი თუ არის სასარგებლო ჩვენი ქვეყნის განვითარებისთვის, რა თქმა უნდა ჩვენ ერთმანეთს მხარს დავუჭერთ. და ნუ ცდილობენ იაფფასიანი შანტაჟით ჩვენს შეშინებას,“ - განაცხადა შალვა შავგულიძემ.
საპარლამენტო ოპოზიციაში განმარტავენ, რომ თუ საკონსტიტუციო სასამართლომ რამდენიმე თვის შემდეგ გამამტყუნებელი განაჩენი გამოიტანა, ახალი სააგენტოს მიერ მიღებული გადაწყვეტილებები უკვე არაკონსტიტუციურად ჩაითვლება.
საპარლამენტო უმრავლესობის წევრები კი აცხადებენ, რომ ახალი სააგენტოს ჩამოყალიბებაში არაკონსტიტუციურს ვერაფერ ხედავენ და ისინი საკონსტიტუციო სასამართლოს გადაწყვეტილებას ელოდებიან.
