მთავრობას საჯარო სამართლის იურიდიული პირების კონცეპტუალური კვლევა და მათ შესახებ პარლამენტისთვის ახალი კანონპროექტის წარდგენა დაევალა. კანონპროექტს პარლამენტი დღეს მეორე მოსმენით – მუხლობრივად იხილავს.
პარლამენტში პროექტის თავდაპირველი ვარიანტის წარდგენისას ერთ-ერთი ყველაზე საკამათო თემა საჯარო სამართლის იურიდიულ პირებთან დაკავშირებული საკითხი და მათი "საჯარო სამსახურის შესახებ" კანონის ფარგლებში მოქცევა იყო.
დღევანდელ პლენარულ სხდომაზე საჯარო სამსახურის ბიუროს ხელმძღვანელმა ეკატერინე ქარდავამ განმარტა, რომ პროექტის გარდამავალ დებულებებში გაკეთდა ჩანაწერი, რომლის მიხედვით, მთავრობამ სსიპ-ების კონცეპტუალური კვლევა უნდა უზრუნველყოს და პარლამენტში მათ შესახებ ახალი კანონპროექტი წარადგინოს. ამ დოკუმენტის მიხედვით კი, მოხდება სსიპ-ების დიფერენციაცია, კატეგორიზაცია - იქნებიან სსიპ-ები, ვიზეც "საჯარო სამსახურის შესახებ" კანონი გავრცელდება, ვიზეც - არ გავრცელდება და ვიზეც შეიძლება კანონი ნაწილობრივ გავრცელდეს.
კანონპროექტის წარდგენისთვის მთავრობას დრო 2016 წლის სექტემბამდე ეძლევა.
