უკრაინის უმაღლესმა რადამ ალექსანდრ კვიტაშვილი ჯანდაცვის მინისტრის პოსტიდან ვერ გადააყენა. უკრაინული მედიის ცნობით, დეპუტატებმა შესაბამის გადაწყვეტილებას ოთხჯერ უყარეს კენჭი, თუმცა კვიტაშვილის პოსტიდან გასათავისუფლებლად საკმარისი ხმა ვერ შეგროვდა.
უკრაინელ დეპუტატებს თავად კვიტაშვილმა განუცხადა, რომ მზად არის, ქვეყნისთვის მომავალშიც იმუშავოს, თუმცა რეფორმების გატარებაში ჯანდაცვის კომიტეტისგან ხელშეწყობა არ აქვს, რადგან სახელმწიფო შესყიდვების პროცესს აფერხებს.
"ამ კომიტეტთან მუშაობა არ შემიძლია", - აღნიშნა კვიტაშვილმა.
ალექსანდრე კვიტაშვილი უკრაინის ჯანდაცვის მინისტრად გასული წლის ბოლოს დანიშნეს. გადადგომის შესახებ განცხადება მან ჯერ კიდევ ორი თვის წინ გააკეთა. უკრაინულ მედიაში ოდესის ოლქის გუბერნატორის მიხეილ სააკაშვილისა და ალექსანდრე კვიტაშვილის დაპირისპირებაზეც საუბრობენ.
