საქართველო ძალიან რთულ გარემოშია, - აცხადებს ,,ამერიკის ხმასთან” ინტერვიუში კონგრესმენი პიტერ როსკამი საქართველოს წინაშე არსებულ გამოწვევებზე საუბრისას. თუმცა, აქვე დასძენს, რომ კონგრესმენი აცხადებს, რომ ქართველები საკუთარი მომავლისა და წარმატებისთვის მონდომებულები არიან.
,,ჩვენზე დიდი შთაბეჭდილება მოახდინა, თუ როგორი მონდომებულები არიან ქართველები საკუთარი მომავლისა და წარმატებისთვის. ის, რომ პარლამენტში აზრთა სხვადასხვაობაა ეს მარტო საქართველოში არ ხდება, ამერიკაშიც ყოველდღე ასეა, ამიტომ ჩვენ ძალიაა კარგად გავიგეთ იქ რაც ხდებოდა და რამდენად საჭიროა კომპრომისი. ჩვენს ქვეყნებს შორის აქტიური პარტნიორობაა, თუმცა მე მინდა რომ ეს კიდევ უფრო მეტად გაიზარდოს. ვიცი, საქართველო, თავისი მონდომებით და სურვილით ბევრს მიაღწევს, და ეს ეხლაც ვიგრძენი, როცა ყველას ასეთი ოპტიმიზმი აქვს”, _აცახდებს პიტერ როსკამი, რომელიც საქართველოსა და უკრაინაში ცოტა ხნის წინ იმყოფებოდა.
კონგრესმენი მიიჩნევს, რომ რეგიონში - მზარდი რუსული აგრესიის პირობებში, უკრაინასა და საქართველოში სტაბილურობისა და მშვიდობის შესანარჩუნებლად აშშ-ისა და საერთაშორისო საზოგადოების მხრიდან მეტი ჩართულობაა საჭირო.
,,რუსეთს 100 პროცენტიან პასუხისმგებლობას დავაკისრებდი იმისთვის, რაც ადმინისტრაციულ საზღვარზე ხდება. მე ვიყავი სამხრეთ ოსეთის მისადგომებთან და ვნახე როგორი დანაწევრებული, განადგურებულია ქართული სოფლები. ეს არის საქართველოს ოკუპაციის მაგალითი და პრეზიდენტ პუტინის ცინიკური, აგრესიული ქმედება. მე ძალიან შეწუხებული დავბრუნდი. რუსულ მხარეს კი მდგომარეობისთვის სრულ პასუხისმგებლობას ვანიჭებ”, _აცხადებს პიტერ როსკამი.
