ენმ-ის წევრი გიორგი ღვინიაშვილი რთველთან დაკავშირებული პრობლემებსა და სოფლის მეორნეობის მინისტრის ოთარ დანელიას განცახდებას ეხმიანება. მისი თქმით, მინისტრმა კახელ გლეხებს უტიფრად დაუწყო ჭკუის სწავლება.
,,საქართველოს მთავრობის წევრის, სოფლის მეურნეობის მინისტრის დღევანდელი განცხადება, რომ სუბსიიდის თანხები არ გადაიხედება იყო თავხედობა. მინისტრმა დაუწყო უტიფრად, კახელ გლეხებს ჭკუის სწავლება - რამდენად ძვირფასია ქართველი კაცისთვის ვენახი. ჩვენ, დღემდე შეგნებულად თავს ვიკავებდით რთველთან დაკავშირებული პრობლემების კომენტირებისგან, რომ მთავრობას არ მისცემოდა საბაბი საკითხის პოლიტიზირებისა და ყველა ღონე ეხმარა, შეხიდებოდა უკიდურესად რთულ მდგომარეობაში ჩავარდნილ მევენახეებს. მითუმეტეს, რომ ეს პრობლემები მთავრობის უგუნურმა და მავნებლურმა პოლიტიკამ განაპირობა. შეგახსენებთ, რომ ივანიშვილი პირდებოდა კახეთს ყოველგვარ ფინანსურ დახმარებას ყურძნის მოსავლის მოყვანაში, ყურძნის ჩაბარების დროს და გასაღების უსასრულო და მომგებიან ბაზრად რუსეთს ასახელებდა. მთავრობის უნიათობის გამო, ქართული ღვინის ექსპორტი 46 % არის შემცირებული, ხოლო მთავრობა სუბსიდიის სახით გლეხებს ისეთ თანხას სთავაზობს, რომელიც მევენახეები ხარჯსაც კი ვერ ფარავს”, _განაცახდა ღვინიაშვილმა.
მისივე თქმით, თუ მთავრობა არ მიიღებს სასწრაფო, საგანგებო ზომებს, რთველთან დაკავშირებული პრობლემების შესახებ ,,ნაცმოძრაობა”, შეუერთდება კახეთის ყველა ქალაქში მევენახეების სამართლიან პროტესტს.
,,თუ მთავრობა არ მიიღებს სასწრაფო, საგანგებო ზომებს, ჩვენ შევუერთდებით კახეთის ყველა ქალაქში მევენახეების სამართლიან პროტესტს”, _აცხადებს დეპუტატი.
სოფლის მეურნეობის მინისტრი ოთარ დანელია დღეს კახეთში განვითარებულ პროცესებს და მევენახეების პროტესტს გამოეხმაურა. სოფლის მეურნეობის მინისტრი პროცესს მართულს უწოდებს. "საფუძვლიანი ეჭვი მაქავს, რომ პროცესები მართულია, რადგან ერთდროულად რამოდენიმე მიტინგის მოწყობა, ძალიან ორგანიზებულად ყველაფრის გაკეთება და ახალი ტრენდი - ვაზის გაჩეხვის მუქარები. ჩვენ ვართ ქართველები და ქართველი კაცისთვის ვაზის გაჩეხვა თუ ასეთი ადვილია, ის ვაზს ნამდვილად არ იმსახურებს. სპეკულაცია ამ თემით ძალიან მიუღებელია," - განაცხადა ოთარ დანელიამ.
